Teritor e cultura

L Ciastel d’Andrac

Castello di Andraz - Ph Roberto CasanovaL Ciastel d’Andrac l se leva su nen gran sas brodolé ju a val ntánt la ultima glaciazion e che l é rué debota nten scito da ulache se po’ regné su duta la valada. I prums riferimenc storizi liei al Ciastel se i à davò l ann 1000. Ntel temp l Ciastel l é sté restauré e ristruturé troc viadesc: davò le viere de Napoleon l no n à bù plu deguna mportánza strategica e da ilò n’avánt l é sté lascé jì n ruina.
Ntra i agn ntra l 1986 e l 2001 l Ciastel l é sté restauré fora polito dal Ministero per i Beni e le Attività Culturali coscita da ie n garantì la conservazion. L é sté pò njigné via ntel 2011 dal Comun da Fodom col finanziament de la Comunità Europea.

L Ciastel l é dalviert a la jent: da jugn a setember. Se consieia la vijita con compagnadou o co l’audioguida.
I meisc de mei, jugn e otober se pò vijité l Ciastel con prenotazion al Istitut Ladin Cesa de Jan. Autre info: www.castellodiandraz.it

Miniere del Fursil

Mostra: Miniere del Fursil

Per secui a la longia le miniere i é stade saldi de importanza per l’economia del pais e dei teritori apede ju. Le miniere nteressava l prinzipe Vescovo de Pesenon, paron de chis luoch, ma incia Venezia s’à fat ntende pi viaz sora la cuestion del sfrutament.
L prim document che descor de le miniere l é stat scrit ju ntel 1177 e l é firmà da Federico Barbarossa, l dà testimonianza de la mportanza de sta atività che consentiva de giavà fora n mineral de far de na bona cualità , ciamà siderite manganesifera. Le miniere i é stade giavade fin a mez l 1700, po i é stade iaro laorade, per puoch a la longia, nte la prima metà del 1900 da la Breda de Milan.

I é stade sarade del dut ntel 1945. Ncuoi nvulgune de le vege miniere pol ester vijitade per n curt toch. L’Aministrazion de Comun l à metù a jì n proget de valorizazion turistica e cultural de la galeria njignada da la Breda.

Vijite: luio-agosto. Per info:
Istitut Cultural Ladin Cesa de Jan Tel 0437/720609 info@istitutoladino.org
Pro loco Colle S.Lucia Via Villagrande, 46 Tel 0437/720007
info@collesantalucia.eu www.collesantalucia.eu

Strada da la Vena

Strada de la VenaVegia strada che nconsentiva de conduje l far de le Miniere del Fursil fin al Ciastel de Andraz: da fà duta a pe per cugnesse meo storia, cultura e luoch de Col e Fodom.

Cesa de Jan

La cesa pol ester vijitada ntei medemi orari che l é davart l Istitut. Nte suoi salf l é stat dat larch a storia e cultura n colaborazion con Associaziogn e Enc che à i medemi obietif del Istitut. Daite se pol vede mostre su desferenc argomenc coche chela del mestier del caligar, del mestier del marangon, de le Miniere del Fursil e po l é la stua con dute le massarie e i costumi. Autre picole mostre muda de an n an.

Castel de Podestain

Castello di BotestagnoRa roca de Podestain r’é ancuoi inze el Parco naturale delle Dolomiti d’Ampezzo e fin a poco tenpo r’éa abandonada e inze meśo ra vejetazion.
In onor dei 500 ane de ra “conquista” de Anpezo da parte del inperator Massimiliano I i reste del castel i é stade da poco restaurade e ra śona desboscada. I reste se pó śì a i vede d’istade e r’Union dei Ladis de Anpezo ra organiśa de ra vijita guidades con un storico del posto.

 

Web Design & Dev. :Produced by Casanova Design